懶蟲上身

今日唔知點解,乜都唔想做...尋晚已經諗定今晚整乜,今朝起身之後仲諗定幾點出街買餸.執咗一陣屋,洗咗一籮臭衫,忙咗個幾鍾.但係到咗十一點幾,就開始乜都唔想做...上咗一陣網,跟住就成條大懶魚咁攤咗喺度.到咗預定要去超市買餸o既時間,都仲係攤咗喺張床度...結果最後冇去買餸.咁今晚煮咗乜?!!勁呀!!!懶魚餐!!!喺冰格拎咗兩件冰凍雞脾,解完凍之後用鹽同黑椒醃半個鍾,跟住放咗入焗爐度焗.煲埋煲飯,炒咗隻蛋仔,跟住煲返熱尋晚整o既什菜煲,咁又一餐飯仔喇!連相都懶影呀!!!

聽日會好忙,成日都唔喺屋企.聽朝一早要出去拎身分證.原本傻馬諗住請半日假,拎完身分證之後順手開埋個銀行戶口.點知公司叫傻馬聽日唔使返工,當補返之前加班o既鍾數.有假放,傻馬又點會出一出去就返屋企咁悶呀?!!傻馬係咁講想去邊,凈係聽都覺得好攰呀!!!