狂風...

尋日吹咗成日狂風...諗住半夜會冇咁大風,所以就冇拎起放喺露台部洗衣機個套.點知今朝起身一睇...咦?!!個套唔見咗!!!俾狂風吹鬼走咗呀!!!搞到部洗衣機依家啲灰塵成吋厚...諗住去買返塊,點知附近間舖啲洗衣機套賣晒.睇o黎唔只儍魚一家塊洗衣機套俾狂風吹走...唔知吹咗去邊添...想搵都搵唔返喇...哎...唔知幾時至買得返個套...

儍馬今日要加班,得儍魚一個自己食飯...今日原本諗住整黑椒牛扒俾儍馬食.儍馬唔返o黎食,咪自己一個整黑椒雞扒意粉食囉.點知又唔記得買麵粉,唯有用生粉頂住檔先.跟住啲黑椒同生粉啲份量搞錯咗,個黑椒汁"傑"得滯,啲黑椒味重咗啲...失敗!!!不過都幾好味.結果係,今日唔係咁開心...