一到週末或假期,傻馬就想出街周圍去.但係喺香港嗰陣用八人大橋抬都唔郁呀!今日傻馬一起身就拎住本東京地圖係咁睇,跟住就同傻魚講要驅車去原宿喎!!!傻魚梗係睬傻馬都傻喇...結果傻馬就自己一個出街喇...傻馬臨出門口嗰陣,傻魚順口話六點鍾會去超市買餸.傻馬一聽就話會返o黎同傻魚去買餸,仲話今日唔好去咁遠,帶傻魚去一間近啲o既超市.係咪覺得傻馬好"甜"呢?尋日送咗個熊仔,今日又話陪傻魚去買餸...原來傻馬係有陰謀o架!!!
之前網友日本主婦話俾傻魚知邊度有鎮江浙醋買,今日傻馬同傻魚就去咗一間賣中國食品o既店.原本諗住去買枝大o既鎮江浙醋,點知就買咗好多其他嘢,但係唔記得買醋喎!!!搞錯...跟住傻馬帶咗傻魚去一間業務用超市,啲嘢又大件又平...跟住傻馬開始"瘋狂"購物,買咗好多傻馬鍾意食o既食材...要傻魚煮俾傻馬食...仲唔係有陰謀?!!行經凍櫃,見到大大隻冷凍帶子,傻馬就話因為傻魚鍾意食所以買咗包,仲話今晚想食...一時之間,傻魚真係諗唔到要點整...傻馬俾咗個難題傻魚,搞到傻魚諗到頭都爆!!!唔諗喇!就咁喇...
結果又用咗蒜茸同粉絲去炒...好似同尋日個蜆一樣喎...咁呀...放啲乾辣椒絲落去咪唔同味囉!哈~跟住整咗個上湯什菜煲...整o黎整去都係呢啲味...好悶呀!!!下個星期要諗多啲新菜式先得...
沒有留言:
發佈留言