今日應網友主婦之邀,一齊喺川崎食晏仔.網友主婦帶咗傻魚去食泰國嘢.
網友主婦叫咗個F定食...唔記得係乜o黎...
傻魚要咗個D定食...紅咖哩雞飯定食.呢盤嘢一擺低,網友主婦就係咁笑住話:「傻魚又叫咖哩呀?傻魚食咗好多日咖哩喇喎...」又係喎...一時冇為意,又叫咗咖哩o黎食...呢餐飯由網友主婦俾錢,搞到傻魚好唔好意思...網友主婦,ご馳走様でした!!!要諗下回乜禮先...
食飽飽,傻魚就跟網友主婦一齊返屋企滾下.見到洪興狗仔同無間狗仔,好鬼得意!!!洪興狗仔一路嗚嗚嗚,但係又要同傻魚玩喎...好鬼搞笑!!!無間狗仔就好乖好靜,任玩唔嬲.仲有網友主婦成日話間屋好亂好污漕...以傻魚所見,都唔係呀!!!滾咗個幾鍾,網友主婦就帶傻魚去執平嘢...執咗乜平嘢?傻馬咁爽快,伸埋腳踢埋傻魚出門口都係為咗要傻魚去執返個心頭好俾傻馬...
咪就係呢隻長腳蟹囉...仲要一買就買咗兩隻!!!好平呀!!!兩隻千五円咋!!!網友主婦真係好介紹呀!!!
返到屋企傻馬已經早傻魚一步返到.一見傻魚返o黎,即刻走到門口接...傻魚手上o既蟹...跟住傻魚即刻煲水蒸蟹喇... (主婦呀...公定乸呀?)
見隻蟹咁新鮮,咪求其蒸下囉...傻馬食到津津有味,係咁話好味呀!!!傻魚因為皮膚敏感,唔係好食得蟹.所以就炒烏冬食喇!
掛住睇傻馬個搞笑食相,差啲就煎燶啲魚餅...好險呀!!!傻馬食完成隻蟹,對手好鬼攰喎...聽晚仲有一隻,傻馬要加油喇!!!
再一次要多謝網友主婦請傻魚食咗餐晏仔,仲帶傻魚買啲咁正o既嘢!!!星期六,傻魚又會見到網友主婦喇!好期待!!!
沒有留言:
發佈留言