第13回新橋こいち祭

今日起身無所事事,例牌執完間屋就攤屍.之不過又實在太熱喇...都係早啲出街行下好過.去到新宿先去撳錢,然後漫無目的咁四周圍逛.間間舖都大減價,好可惜冇嘢啱傻魚.約咗傻馬七點喺新橋等...

日比谷口一出就見到...

好熱鬧呀!!!

嘩~鹽燒鮎呀!!!即刻排隊買咗兩條食.好好味呀~

一串墨魚賣五百円?!!貴咗啲喎...

嘩嘩嘩~好正呀!睇到傻魚啲口水係咁流...不過都係唔食喇...

好多人坐喺路邊食嘢...

呢個祭有個浴衣小姐選美環節...

呢位靚女係上届浴衣小姐冠軍,今年仲入選代表日本去選環球小姐.勁~

呢位靚女喺今届新增o既審查員特別奬得主,係十位參賽者裡面最高o既一位.

呢位係浴衣小姐亞軍.

今年o既浴衣小姐冠軍...
掃完街,睇完選美,,傻馬話仲未飽喎...

求其搵啲嘢食囉..."加香機"都係貴咗啲,下次都係食返麥記算喇...聽晚又要去同人迫,同人鬥踩...