嘆寿司

尋日焗到個人好懶,見仲有啲隔夜咖哩就餸都唔願出去買.依家呢啲咁o既天氣令啲食物好易變壞,睇o黎已經唔可以整"大鑊飯"食兩日喇...今日好開心約咗網友媽咪同小朋友.冇見小朋友成個月,大個仔咗又叻咗好多.一齊食完晏之後就去咗買嘢.小朋友有得落地玩就連自己姓乜都唔記得.網友媽咪將小朋友交畀傻魚,然後就開始"瘋狂購物".小朋友真係精力旺盛,係咁四周圍跑.好!傻魚就幫小朋友放下電先...到網友媽咪買完嘢,小朋友已經冇乜電.等小朋友飲完支奶之後,傻魚同網友媽咪就推住小朋友去飲下午茶.入到咖啡店,小朋友已經瞓著咗.傾咗一陣,又夠鍾散會喇.不過又約咗聽日見,真係開心!
傻馬尋晚話想食寿司,不過傻家仲有啲隔夜咖哩要清,所以就講好今晚去食.今次唔去地底平靚正寿司店,去咗西口間"遊客寿司店".之前都去過幾次,次次都好多遊客,好旺場.一坐低個侍應嬸嬸見傻魚同傻馬講"外語",就好醒目咁拎咗個中文餐牌畀傻魚.當然,傻魚好有禮貌咁拒絕咗.

傻馬一坐低就拎咗呢碟...唔記得係乜...因為傻魚冇食...

傻魚第一碟例必係食鰻魚...好味~

之後傻魚叫咗かんぱち走山葵..

再o黎個ビントロ走山葵...係!冇錯!傻魚係唔食山葵o既...同埋即整點都好味過唔知擺咗幾耐嗰啲...

傻馬拎咗碟...又唔知係乜...因為轉到埋o黎見啱就拎...

傻魚再叫師父整個燒三文魚腩...走山葵...

再加個鮮帶子走山葵...

傻馬一見到就即拎o既金目鯛...傻馬迫傻魚試咗一件面頭塊魚,留返啲有山葵o既飯畀傻馬食...好味...

叫咗個特制玉子...乾咗啲...

傻馬o黎親呢間都必會狂食o既エンガワ...係咪覺得傻馬食得好慢呢?因為傻馬要影相畀傻魚做功課囉...呵呵~

呢個真鯛係傻馬至愛之一...

仲有肥美o既劍魚腩亦係傻馬o既至愛之一...
今次傻魚例牌食咗七碟,而傻馬就食咗九碟.埋單二千六百二十円,低!!!食完行咗一陣,然後就搭電車返傻家喇.