牛禅

今日傻魚兩隻眼都又痕又痛又濛...咁樣出唔到街喇...唯有留守家中灘下囉...到咗三點幾,傻馬話想出街食放題,問傻魚想食乜...傻魚見傻馬講咗好多次話好耐冇食寿司放題,咁咪提議去食寿司囉...點知傻馬今日唔想食寿司,傻魚就叫傻馬決定.呢隻傻馬...例牌左諗右諗,問完又問,遲遲都決定唔到食乜好...傻魚真係睬傻馬都有味,只係不停咁話是旦...就咁過咗成個鍾,傻馬都仲未攞定主意...傻魚就一邊黑面一邊換衫,然後望住傻馬...唔係傻魚唔畀意見,只係傻魚o既意見通常全部都會畀傻馬拒絕.終於等到傻馬決定去邊食乜,傻魚黑面出門口.次次都係咁...想餓死人咩?!!
今日傻馬帶傻魚去高田馬場一間叫牛禅o既餐廳烚烚下放題.呢間嘢除咗烚之外,仲可以燒.

個芝麻醬都係去開新宿嗰間好味,柚子醋就一般...

今次揀咗烚霜降牛...咁少"霜"o既....

仲包烚超薄豬片...真係薄到可以食十碟都唔飽...

當然唔少得合菜喇...
一坐低就先o黎兩碟牛,兩碟豬同一碟菜.呢間嘢啲菜係唔可以自己揀要乜,再嗌都係畀返同一樣嘢...傻馬食完兩碟牛之後就叫人拎多碟.點知等到走都仲未見碟牛.傻魚就食咗七碟豬.埋單六千二百五十六円,食燒肉可能會低食啲.可能兩條友狀態都唔係咁好,所以覺得間嘢差啩...食完諗住去二手書店行下,點知就開始想落雨喎.傻魚晾咗啲衫喺露台,梗係即刻飛車返去收衫喇...今個周末真係無聊...