落大雨

今日原本約咗網友媽咪.但係今朝瞓醒冇幾耐就收到網友媽咪個電話,網友媽咪唔舒服,所以今日唔出喇...希望網友媽咪快啲好返喇.不過好在今日冇出街,如果唔係啲床舖就會畀大雨淋濕晒...冇街去就留喺傻家執屋.喺日本,天氣一開始熱,啲垃圾就好易臭.因為唔可以日日倒垃圾,所以就會引o黎好多"飛飛".近排傻家多咗好多呢啲"飛飛",唔知有冇人知點整走啲"飛飛"呢?睇o黎傻魚要諗下辦法處理啲"可燃"垃圾.
同啲"飛飛"搏鬥到四點,都仲係見到啲"飛飛"向傻魚"宣戰"...激死!!!見場大雨仲唔多想停,傻魚都係擔遮出去買餸算喇.由於聽日開始三連休,傻馬會帶傻魚出遊,所以只可以買一日餸.真係考起傻魚...先去"企鵝仔"買奶同汽水.見到有平抹茶豆奶,買返啲先...去到超市見有平菠蘿,有得睇冇得買...買咗個西蘭花,兩個洋蔥同雞扒,然後即刻畀錢離開,費時又買到收唔到制.買完餸行返傻家嗰陣,場雨已經停咗,啲空氣好鬼甜!如果唔係袋嘢重到死,傻魚一定會兜去公園坐下.
摷埋冰格o既牛肉粒粒...

整咗個好味雜菜番茄汁要o黎配意粉食.另外雞扒切件煎脆塊皮,牛粒煎五成熟...呢碟係傻馬碟"珍寶意粉".傻馬話好好味,好快就清晒成碟.

傻魚嗰碟淨係得雞塊.聽日傻馬會帶傻魚去睇表演...睇乜表演?聽晚咪知囉...呵呵~