2008年度隅田川花火大会

今日原本約埋網友媽咪一家一齊去"踩人",可惜小朋友唔舒服,所以網友媽咪就打o黎話去唔到喇.好可惜呀!不過唔緊要,電視有直播.諗住早啲出門口去霸返個靚位,結果搞到四點幾至起程...喺上野轉地鐵嗰陣要排隊入閘,多人到咁真係第一次...

去到淺草已經一街都係人...

所有靚位都畀人霸晒...有啲人喺中午點幾鍾就舖定席...冇位咁點算?再行遠少少囉...

終於搵到個靚位,不過就冇得坐要企.

七點二,開始喇~開始喇~

嘩~

嘩~

嘩嘩嘩~(周圍啲人狂拍手...)

個靚位雖然可以睇得好清楚,但係啲風係迎面吹o黎,所以每次連放幾廿發之後都會畀啲煙遮住睇唔到...

由於好近o既關係,全程都有啲炸藥碎同紙碎從天而降.結果咪成頭都係,連件衫都搞到黑黑地囉...下次一定要記住唔好着白色衫去睇煙花.個半鍾話咁快就完,散場嗰陣仲虛憾...啲人係咁湧去搭地鐵.傻馬就提議行下等啲人流散咁啲至走.雖然傻魚好攰,但係都好過要同人迫車咁辛苦.返到傻家都成十點幾,即刻煲落煲綠豆沙,然後就煎埋啲雞扒同西冷牛扒.o黎緊仲有好多花火大会,要好好準備下至得...