月島盆踊り

仲諗住今日唔會出街,點知到咗五點鍾傻馬就話要換衫出街.去邊?原來係去月島睇祭喎...去到...

見到好多姐姐着浴衣...傻魚件浴衣留咗喺香港唔記得帶o黎東京,失敗...要去買返件至得...

有祭就梗係有好多屋台喇...好多人好熱鬧...

見到咁好味o既燒粟米,梗係即買條o黎咬下喇...諗住今日晚餐就咁掃街,之後見到有燒雞髀,好味...

行行下又見到燒豬肉,又買...仲諗住買個燒餅食,傻馬突然話一陣去食もんじゃ喎...搞錯呀...早講喇...
行多陣就夠鍾去睇人跳盆舞...

有好多小朋友喺度打鼓,好勁~

有一班人圍住啲鼓跳舞,之後又有啲街外人加入一齊跳...

有個台仔上面都有啲小朋友喺度打鼓.

台上表演好精彩...睇完就去食嘢...

今次去呢間...嗌咗個五右衛門,同一杯生啤...當個姐姐擺低之後見有兩住白痴病貓眼金金咁望住佢,姐姐仔即刻問傻魚識唔識整.老虎蟹都話唔識喇...唔係,其實真係唔識...個姐姐仔就話佢示範整一個,叫傻魚記住啲步驟.

多謝靚女姐姐~好味過上次食嗰陣...正~

食完又叫多個五目.

呢個就由傻魚親自主理...先將面頭啲料撈起落鐵柀度炒下.

一邊炒一邊將啲材料切碎...

之後將啲材料堆埋一堆,然後喺中間撥一個大洞,跟住將啲汁攪勻倒落個洞度.攪一攪啲汁至少傑,然後就將所有材料撈埋一齊.

攤開之後灑啲青紫菜碎,搞掂!好味呀~食完都夠飽,好滿足!返到傻家都成十點幾...今日熱到爆!好彩隊咗杯生啤啫...聽晚有人請食飯,又唔使煮喇!哈哈~