首演

瞓醒已經差唔多十二點...諗住出發去睇表演,點知傻馬話改咗時間唔使咁早去.仲有大半日,做乜好?傻馬話不如去行下街...都好喎...先去新宿駅買聽朝o既車飛,然後去食啲嘢.

喺駅裡面o既一間舖...

傻馬叫咗個芝士茄汁意粉.

傻魚叫咗個白汁意粉,幾好味.食飽就搭電車去南船橋.

去行"啦啦港".好多人...

實在太大喇...行咗兩個鍾,都仲未行晒就夠鍾搭電車去舞浜...做乜?梗係唔係去"滴滴泥"喇...係去傻馬個客o既首演.呢個首演只招待工作人員同其親朋戚友...

係劇團o黎o既...由原本o既兩點半延遲到七點,到最後八點三至開場...不過全部都係"自己人",冇所謂喇...

中場有半個鍾休息,畀啲人去叉下電,放下水咁.完場都已經係十一點四...好在去劇場之前買咗啲包,喺中場食咗頂下肚,如果唔係真係會餓死.返到傻家附近求其去家庭餐廳食個餐就返歸執嘢準備聽日出遊喇...今晚都知有冇得瞓...
後記:個表演真係好好睇.日本個場喺千葉舞浜駅(即係東京迪士尼隔離),今年十月至正式開場.喺香港o既朋友可以去澳門威尼斯人睇.同一個劇團,不過就唔同主題.澳門嗰個都好好睇.呀!唔記得講...個劇團中文叫太陽劇團.