熱爆

喉嚨都仲係好痛,唔多想食嘢...所以日就打消咗出街食晏o既念頭.今日熱到爆...又話會落大雨喎...尋晚落完場大雨之後今日成日都好好天...呃人!!!咁熱,傻成條死魚咁灘喺度...間屋向西,二點後真係成間桑拿房咁...又唔想出街變燒豬,唯有開行風扇係咁吹囉...真係有股衝動想除晒啲衫,唔係講笑...咁熱都唔知食乜好...求其快靚正...

白咖哩,加咗南瓜變咗黃咖哩...哈~今日傻馬遲咗少少,成八點至返到...傻馬一坐低就有飯食,幾開心呀!食完飯,傻馬成晚係咁問傻魚使唔使開冷氣...想o架...但係電費貴呀...都係忍下先...聽日都係好熱...三十一度喎...想整死傻魚咩...