花の舞

傻馬個日本人朋友放假返o黎東京一個月,約咗今晚食飯.今日成日熱到甩肺,啲汗不斷係咁流...全日都成身汗,濕漉漉好辛苦.既然今晚有人請食飯,就梗係要食餐舒服o架喇.所以就去咗花の舞居酒屋食.

先o黎個活魚刺身,好新鮮~

再o黎個鮮帶子刺身,正到痺呀!!!

又點會少得トロ呀...入口即溶呀!

例牌必叫o既焗芝士豆腐,好味~

又係例牌入叫o既炸雞軟骨,不過食完之後好後悔...因為食完喉嚨痛...

炸多春魚,食完又係奶嘢...

鹽燒雞翼,正~

鹽燒腩肉,超正~

燒墨魚丸,普通...一邊食一邊飲一邊傾,話咁快又十點幾...今餐三條友食咗八千幾円,唔算貴.送完朋友去駅之後就走咗去"企鵝仔",諗住買汽水.結果咪又係搞到大袋細袋咁離開...今晚真係開心~