箱根遊之海盜看百合

今日係一個好特別o既日子,所以一早就彈咗起身.懷著好期待o既心情,希望今日可以有個非常美好o既回憶.梳洗完之後就上去食早食.

自助早餐,傻魚見有粥就整碗...食食下諗起呢兩日食咗好多蛋,早知唔拎隻溫泉蛋喇...

傻馬碟嘢一啲都唔似係早餐...食飽返房抖下,執埋啲嘢再諗諗今日啲行程要點行.十點前退咗房之後就去搭巴士.

o黎到呢到,做乜?

去箱根神社?唔去喇...

係去搭海賊船!!!

上船做海盜先...

見到箱根神社另一個鳥居.真係好平靜,好靚...

見到有人扮鐵逹尼女主角,不過搵唔到個御用攝影師影低...

突然有個"肉酸"海盜喺個甲板度行o黎行去搵人影相.搶錢o架...靚仔都話可以考慮下...不過冇留意幾錢張添...

船裡面有升降機,方便啲老人家同啲有需要人士.

半個鍾之後就到逹桃源台.

仲有少少時間,整杯黑牛飲下先...嘆完黑牛就去搭巴士...

o黎到呢個野餐園...

睇百合花!!!入場五百円一位.

成個山都係百合花~

有條好長o既電梯帶人上山...

山頂望落去...

有白色...突然傻馬大嗌...乜事呀?

原來傻馬做偷窺狂,偷拍人哋交配...

有粉紅色...

好似甩色喎...

極少量o既橙紅色...

應該有十幾種,但係傻魚睇o黎睇去都係得嗰五六種...係傻魚唔識分,定係仲未開呢?

真係好天到想殺人,連傻馬都話熱...

傻馬送畀傻魚o既一束百合花.雖然帶唔走,但係傻魚都好開心.

依家啲百合花開咗三成倒,遲啲應該仲靚.鍾意百合花o既朋友,可以喺八月尾前去睇.
睇完花抖下又去搭巴士...一個鍾一班車,真係錯過咗有排等呀...返到桃源台...

又去做海盜...

兩架海賊船都搭晒,正~

呢條船冇人假扮海盜,但係就有個"假海盜船長".呢個型仔好多~

另一個假海盜...

開船之前見到之前搭嗰架埋緊岸...

第三架?唔係!呢架唔係海賊船,但係都好有氣派.

藍天白雲~好熱!!!今次去另一個港口,叫元箱町港...

沿途見到呢嚿嘢...原來係間酒店.

行咗幾分鍾就o黎到...

可惜唔夠時間入去行,唯有喺門口影張相當去過...又去搭巴士返湯本...好鬼肚餓...原來己經成四點半.

見有間餐廳仔,入去食個山菜喬麥麵...麻麻地...

傻馬叫咗個拉麵,好難食喎...
食飽就慢條斯理咁行去駅,等咗一陣都仲未見架"浪漫車".搞乜呀?留心啲聽廣播,原來係沿線有火災,所以"浪漫車"停駛...吓?咁點呀?唯有聽站長講搭各站停去小田原轉急行囉...去到小田原,見有好多人迫上架急行度...冇位坐,唔制!去退咗張特急劵,順便問下"浪漫車"幾點開返先...得到o既答案係,如無意外應該會喺六點五十八分重開,不過仲未肯定.咁啫係點呀?最搞笑係有啲人諗住過隔離站搭東海道線,點知東海道線又話有人身事故喎...冇計,唯有搭急行囉...啲車都遲晒,唔知幾點有車.不過唔理咁多,入閘排隊霸返個位坐先.成兩個鍾車程,冇位坐點得呀...終於喺八點鍾返到新宿,真係攰到爆!!!雖然今日有少少遺憾,但係都好開心.今次箱根三日兩夜遊總共使咗七萬円,最唔低就係第一晚間酒店.不過算喇.最緊要玩得開心!!!傻馬嗌肚餓,煮個麵仔醫馬肚先~嘻!!!