有難度

今早又畀傻馬嘈醒...突然醒起啲嘢,叫傻馬唔好用花生醬搽麵包,用牛油好啲.傻魚食完藥之後諗住返瞓,但係就瞓唔著.灘完一輪之後索性起身執下屋,然後開住個電視發呆...咁樣落去都唔係辦法,都係早啲去買餸吧喇...出門口之前睇下個雪櫃...仲有菜,買肉就得喇.先去"企鵝仔"買牛奶同可樂,行下行下又買咗一堆即食麵.之後去超市買肉.呢幾日兩隻病貓都冇乜胃口,今日都要整返啲傻馬鍾意食o既至得...見有啲平和牛,可以整傻馬鍾意o既牛扒喎...買埋雞扒同麵包,就返傻家準備"光管晚餐".其實傻魚懶,用個蒸鍋,下面煲意粉,上面就將啲蔬菜(除咗番茄)同埋塊雞扒排滿o黎蒸.跟住煎脆塊雞皮,意粉就用現成o既香草汁撈一撈就搞掂...

都見得下人...哈~加埋杯香檳,一餐唔浪漫o既"光管病貓晚餐"就咁搞掂...

傻馬啲牛扒就...煎牛扒真係有難度.諗住煎五成熟,結果係七成熟...傻馬話有啲韌...睇o黎下次要抱住煎三成熟o既心態,話唔定會成功.