箱根遊之御殿場

一早急醒咗...奈何個廁所喺出面,唔想成個嘢咁行出去嚇親人,所以就死忍...忍到忍無可忍至捨得執執個樣去廁所...真係煩...間酒店冇包早餐,所以尋日買咗包.食完早餐就退房.尋晚支啤酒係要畀錢o既...連埋間房,加入浴料,兩條友總共畀咗二萬二千四百二十五円...真係唔低!!!問阿支配人點去御殿場,阿支配人捉咗個住喺御殿場o既阿嬸o黎答傻魚.個阿嬸點傻魚去搭巴士再轉巴士,然後轉專巴...咁煩,都係去返強羅搭巴士算喇...

先搭登山電車落山,然後搭巴士去到...十點就感覺到熱熱地,一陣實熱到死...等等下巴士出太陽添...

門口!!!兩程車,總共個半鍾...散散地...

係咪以為人少少呢?其實行入啲就見到好多人...

東同西中間有條幾長下o既橋...

嘩~曬到爆~行多陣...

食個晏先...呢間唔使等位,呢間喇~

傻馬碟前菜...

傻馬碟主菜,仲有個包...

傻魚碟野菜咖哩,味道算唔錯.

食飽就繼續行.原來場內有摩天輪...

好多人帶埋狗仔o黎行街...開始天陰陰,唔會落雨啩....行到三點九就去等巴士,返到強羅五點一...即刻跳上架登山電車,應該赶得切啩...

去到箱根湯本都已經五點九...走咗去案內所問路,行過條紅橋...

橋底景色好靚,仲見到唔少情侶喺下面談情...

行咗十分鍾,就到咗今晚間酒店喇...感覺好過尋晚嗰間...入到房見到仲有道門,打開一睇...嘩~有廁所同浴呀!!!真係開心都想跳返段舞呀...擺低啲嘢就上二樓...

食晚餐...

喺自助餐~

都唔算多嘢食...

茶碗蒸仲要出完一轉就唔再出...搞錯呀...

刺身都有幾款...傻馬當然食唔少喇...但係要數到狂食o既,就非西瓜同蜜瓜莫屬喇...啲蜜瓜弔係出完一轉就冇再出,轉咗出西柚.食餐食得好飽,好滿足~呵呵~仲有聽日...傻馬請多一日假同傻魚去玩...聽日...聽晚至講...嘻~