又奶嘢

今日唔知做乜,好早就醒咗...傻馬見傻魚起咗身,就叫傻魚整塊花生醬包做早餐.傻魚貪得意,又整咗塊自己食...當然,食完奶晒嘢喇...其實傻魚對花生敏感,食完會喉嚨痛,嚴重啲會流鼻血發燒...今朝食完都唔知有冇十五分鍾,喉嚨就開始痛...狂飲一輪水之後,好似好啲...見得閒冇嘢做...

拎返之前傻馬買畀傻魚o既禮物仔出o黎影下相先...

順便開啲餅仔食下...啲糖就留返畀傻馬拎返公司請人食喇...

留返啲罐同袋...就o黎成屋都係呢啲咁o既垃圾...
四點鍾,去買餸...又買到個雪櫃爆咗...唔可以再咁買,因為除咗會整壞個雪櫃之外,太爆會導致個溫度上升而令到啲食物易變壞...煮返之前將啲肉醃完放入雪櫃,咁樣就可以擺多一兩日.今日啲枝豆好平...兩大袋賣二百九十八円,低到爛就梗係即時買返兩袋喇...用鹽水烚熟當小食,正!!!切埋菠蘿做飯後果...

今日個雜鍋係失敗作,不過傻馬就好鍾意...因為落咗勁多黑椒,好辣!傻魚一路食一路咳...食完餐飯即刻奶嘢...失聲,喉嚨痛兼勁咳...今次又唔知要病幾耐喇...唉~