搭呢架"浪漫車"...
去到中途o既小田原轉另一架電車去箱根湯本,再轉...
呢架登山電車...
迫爆!!!差啲上唔到車...
沿途有好多繡球花,好靚~
四十分鍾後終於o黎到強羅喇~原先行程係去御殿場,點知去巴士站一睇個時間表,要成點幾鍾至有車喎...依家十一點半都冇,冇理由咁嘥時間o架...改行程囉...先去附近行,聽日至去"出血"...好!搭巴士先...
喺第一個"景點"就見到有祭喎...
第一站係去睇玻璃...入場千三円一位...
好有落雨o既感覺...
似唔似係噴水呀?
玻璃o黎o架...
做緊係介指展...有好多古靈精怪介指...
仲有威尼斯玻璃展...
手工好精緻...
玻璃做o既帽同手袋...咁重,睇怕都冇人會用...呵呵~
有好多各式各樣o既玻璃產品,仲可以試整...
館內有個繡球花庭園...
傻馬走咗入去狂影相,影到不知時日...而傻魚就乾等,狂燥...點解?今朝食完個早餐出門口到依家成點幾兩點鍾都冇嘢落肚,加上冇瞓,唔燥就假喇...個胃仲痛痛地添...
終於等到傻馬現身,但係啲餐廳就排長龍喎...行埋影埋去第二度食算喇...呢個係玻璃做o既,好有氣派~
好田原...
傻魚好鍾意呢個花盆...
靚景呀!睇完又走去搭巴士去下一個地方...
早咗一個站落車,但係就見到之前個祭班人...沿途搵唔到餐廳,見有間超市,即刻入去買幾個包...真係又攰又餓又眼瞓...
第二站就係去睇...
得一片草地,乜都冇...好在冇行o黎,中途走咗去搭巴士咋...睇一睇五分鍾都唔使,又去搭巴士去...
呢度...
見到海盜船...不過今日唔搭...
今日去搭吊車,去...
好大煙呀...仲臭臭地添...
最攞命係...要行上山!!!真係慘絕人亡呀!!!行到一半已經想返轉頭,不過傻馬唔肯咋...
上到山,臭到暈...啲硫黃味勁濃!有硫黃"熱"泉,就梗係有...
長命溫泉蛋!啲蛋好熱o架...但係個阿叔好似冇嘢咁,徒手狂入啲蛋入袋...勁!!!
一包六個,五百円...傻馬話買兩包喎...都唔明點解要買咁多,實食唔晒喇~
啲人圍住喺度做乜?咪剝蛋殼囉...當傻魚食完第一隻蛋,啲長命溫泉蛋就已經售罄!四點都唔夠...勁!
真係煙到乜都睇唔到...又臭喎...食完兩隻蛋就乍乍林行返落山搭吊車上早雲山,再轉...
登山纜車...
o黎呢度...
六點前到今晚間酒店...原來轉咗去別館.個支配人話別館新啲靚啲喎...間房...冇廁所冇浴室!!!救命呀!!!訂房嗰陣冇寫,咁就衰咗喇...好在個大浴場廿四小時開放,而個"公廁"就喺正間房對面...一晚半晚...得啩...不過,當個支配人帶傻馬同傻魚上房嗰陣,佢跟埋入房...話係因為啲工人成日將張枱擺錯地方,所以佢要整整張枱喎...咁都得?!!怪怪地...聽聞呢間別館剛剛喺一個星期前開張喎...
六點九去飯堂食晚餐...支配人話當地啤酒好飲,就整支喇...唔知使唔使畀錢呢?不過喺日本,唔會咁闊佬o既...出o黎玩,是旦喇...乜都試下嘛...
個刺身唔錯.仲有嚿魚,麻麻地...同埋個天婦羅都係一般...最差係要人叫至識拎啲飯同湯o黎...唔通唔叫就冇?
食飽返上房抖咗一陣,諗住上網打網誌...咦?點解唔得o既?噢!!!呢度太荒山野嶺,無線上網冇訊息,收唔到呀!!!真係攞命!!!算!!!之後等傻馬落去沖完涼,傻魚至慢條斯理去"出浴"...都差唔多九點喇...實冇人...沖完個涼咁啱就有兩個姐姐入o黎沖...咁夜o既...點頭打完招呼之後,傻魚就返房喇...點解三九唔識七都要打招呼?喂!個個都畀個"全相"人睇喎,當識o架喇...禮貌上都要o既...好鬼眼瞓呀!!!早啲瞓先~
沒有留言:
發佈留言