今日食咗乜?

今日傻馬又帶傻魚去祭典...一早收到個唔係咁好o既電話,搞到傻馬嬲爆爆...早餐都唔食就出門口...去到目的地傻馬可能知傻魚唔食早餐會死...

走咗去便利店買咗兩個包同一枝茶...早餐連午餐就咁搞掂...

第一個祭典唔夠熱鬧,人丁單薄...於是傻馬就拉住傻魚轉戰第二個祭典.去到見到成街都係人,仲有好多屋台...

初頭唔知呢檔屋台賣乜...行近見到啲完成品至知係墨魚小丸子...

仲有啲專做小朋友生意o既屋台...小朋友可以用糖水喺啲墨魚餅上面畫圖,跟住個姐姐仔就會淋啲唔同顏色o既糖粒碎上塊餅啲糖水度,咁就會變成一塊彩色餅...

傻馬見到覺得啲炸日本年糕好得意,買咗盒o黎食...不過唔係咁好味...

見到好多人排隊,傻馬望住個阿叔整...之後話想食,叫傻魚排隊買...結果排咗半個鍾...(咦?!!打漏個鍾字添...)

就係呢件咁o既燒餅...好大件...都幾好味...當下午茶兩個人食咗半件就飽晒...依家仲有半件喺個雪櫃度...聽日傻魚有隔夜燒餅做午餐...(汗!)

晚餐食乜?傻馬話冇心情,冇胃口,唔想食...之後可能驚餓親傻魚,就話想食刺身.跟住傻魚仲煮咗啲烏冬加落尋晚個おでん度,再加啲辣油麻油胡椒粉,同傻馬一人一半食埋啲隔夜餸...