通訊錄

今日個人唔係咁舒服.訓醒個頭痛到爆~天氣熱到個人就溶咁滯...個頭實在太痛,食完止痛藥又訓過.好在之後訓醒個頭唔再痛...但係個人依然係咁溶,不過溶極都溶唔走啲肥膏.哎呀~搞錯呀~

今日終於搞掂個通訊錄,跟手出埋個電郵.如果有人收唔到個電郵,記住出聲話返俾傻魚知.

天氣熱想食凍嘢.無聊整咗啲抺茶奶大菜糕.但係因為熱得滯,死魚唔係好想動.結果懶篩啲抺茶粉,搞到啲大菜糕好多"墨屎".不過至緊要有內涵,外表冇所謂喇~係咪咁話呀?!!