端午節

今日係端午節,冇糉食,冇心機...細個傻嫲會喺屋企包糉,啲細路個個都要幫手.一到端午節前一日,傻嫲就會下領.個個好開心咁排排坐圍個圏.一人一隻匙加一樣材料,輪流喺傻嫲隻糉葉裡面擺料.好好玩,好開心o架.可惜傻嫲過身之後冇得玩之餘,再也搵唔到咁好味o既糉.之後每年都會食一個糉,睇下遇唔遇到好似傻嫲整o既好味糉.通常都係失望居多.印象中好似得兩年係食到好味o既糉...今年...連食都冇得食,唔好話好唔好味喇~見好多人今日都話食糉,忽然好掛住傻嫲...一諗起傻嫲,就想喊...哎...