挑戰高難度

祝天下間的爸爸父親節快樂~!!!

今日係父親節,傻馬冇咁好命仲未做人老豆,而傻爸同老爺都喺幾萬哩外...人人都一家大細游街,傻馬同傻魚唯有留守家中,費時出街左住人哋家庭樂.打咗成日機,兩條友仔都打到朦下朦下...見個太陽伯伯都收工返屋企慶祝父親節,呢個時候梗係出動o既大好時機喇.去下超市,睇下食物,望下家電,一袋二袋咁返屋企.

今晚冇嘢又搵嘢o黎搞...係咪犯賤呀?!!搞乜?!!

咪就係呢兜咁o既嘢囉...白汁由牛油小麥粉整起,肉醬由肉碎罐頭蕃茄整起.跟住一層一層係咁舖,意粉皮肉醬白汁芝士碎...不斷重複...搞到身水身汗...傻馬話好味...傻魚嗰兜?依家仲喺個焗爐度...