今日傻馬帶傻魚去亀戶某二手書店買漫畫~逛咗兩間,買咗六本漫畫..."又"大豐收呀!!!呵呵呵~買完喺附近逛,見到有間大超市就梗係入去望望喇...一入到去,不得了呀!次次去親超市都好似啲嘢唔使錢咁,樣樣都想買...於是同傻馬講一陣仲要去逛街,唔可以買嘢呀~點知行經賣鮮肉個櫃,見到啲澳洲和牛扒平靚正喎...傻馬流晒口水咁望住啲肉,結果梗係姣婆守唔到寡喇...好在間超市有免費冰,即刻裝咗袋俾啲牛扒降溫.
原本諗住去東京新丸,買咗牛扒費時拎住逛到啲扒臭.東京新丸就留返下次至去,兩條友浩浩蕩蕩咁去秋葉原逛淀橋買風扇~冇錯!!!傻家終於都有風扇,唔使再焗桑拿喇~嘻嘻!買完再逛咗一陣就起程返歸.
返到屋企附近,又走咗去一百円食品店狂買!杯麵呀,麵包呀,洋蔥薯仔紅蘿蔔呀...買呀!買呀!一袋二袋咁路經肉店再買埋雞扒返屋企煮飯仔...好在今日有"咕哩",傻魚唔使點拎啫...
今晚餐飯仔超正呀!!!咔咔咔咔~
似模似樣見得下人o架!好好味但份量勁大,食到傻馬飽到上心口.仲有兩片牛扒,聽日點整好呢?!!
塊雞皮好鬼脆,好好味~傻魚都食到好飽...再咁落去真係唔多掂檔,係時候收下口至得...
沒有留言:
發佈留言