善意的謊言

最近傻馬向傻魚講咗個大話.當時傻魚一聽已經知,但係就冇即時拆穿傻馬.當係俾少少面同尊嚴傻馬又好,點都好...其實係想睇下傻馬遲啲會唔會自己講返出o黎.尋晚傻馬終於自動開口講返出o黎.傻魚話一早就知,傻馬話傻魚馬後炮喎...咁傻魚咪講返點解知傻馬講大話囉.傻馬話傻魚成個名探偵柯南咁...呵呵呵呵~傻魚好鍾意睇名探偵柯南漫畫同動畫o架~上晒腦添...傻魚問返傻馬點解當時唔實話實說,傻馬話驚傻魚擔心喎...其實之前講同依家講咪一樣都係咁擔心...都好在傻馬識得自動自首...都算係咁喇...善意o既謊言係好,不過唔講大話就更好喇~希望傻馬以後有乜事都會開心見誠講出o黎.驚咪兩份,擔心都兩份一齊驚一齊擔心囉...成日要人估估下好辛苦o架嘛~加上呢排虛火上升,天氣又開始好熱...睇o黎都要飲多幾杯花旗參下下火至得...

後記: 為免更多人誤會,等傻魚解下畫先~虛火上升,辛苦!天氣熱,仲辛苦!!估人諗乜,更辛苦!!!咁解啫...