給親愛的關生 第二彈

今日一早起身洗完機衫就去咗代々木.傻馬興致勃勃咁帶傻魚去食早午餐.

傻馬話啲醬辣辣地好好味.

傻魚前世同雞有仇,見到有炸雞腿就忍唔住買o黎食...當然,傻魚唔係肚生蟲,梗係食唔晒喇!留返半包薯條晏啲食...

食完去買二手漫畫,跟住搭車去原宿.行完竹下通,又走咗去買二手漫畫.今日大豐收呀!!!之後行咗一轉表参道山,又悶又攰...抖咗一陣,就行去渋谷.四周圍行下睇下,咁又一日喇...

其實以上行程都唔係重點.重點係,臨走之前經過一間咖哩店.

好耐之前食過覺得幾好味...間店雖然都仲係一間咖哩店,但係就唔係之前食過嗰間.行到攰攰地,傻馬話不如入去食,咁今晚咪唔使煮囉.

個餐牌有中文,但係就俾傻馬發現咗啲怪文...

以上兩款咖哩,睇中文,真係唔明係乜...

仲有個好親切o既細餐牌...

外賣仲可以儲份...

傻魚見雞就殺...

傻馬見牛就食...不過傻馬話唔係咁好味...所以呢間可以唔去喇...仲有三個星期,傻魚會比心機再介紹多啲好味咖哩店...