搞鬼嘢...

家長指引!!!如未滿十八歲者不得繼續觀看!以下某些照片會令人感覺不安.唔好話傻魚冇預先警告...

尋日去中野,行行下見到啲"得意"嘢...

呢間舖賣好多"有味"衫.門口有個衣架掛咗個牌仔,話明未夠十八歲唔可以進去...隔離個衣架就掛咗件黑貓仔休憩中忙"搞嘢"o既T裇...真係搞嘢!

呢件仲搞嘢!!!邊個會咁夠膽着住呢件"日本性交研究委員會性行為指導員"o既T裇周街走呀?唔知有冇人買呢?

仲有好多三級漫畫T恤...有啲仲好鬼露骨...啲人應該唔係買o黎着...

仲搵到啲搞笑T裇同外套...呢件咖哩部外套有好多個色...

之後行過一間玩具店,門口有個用爛鐵砌o既異形...估下幾錢?好貴o架...原價係七十三萬五千円,依家做緊特價,賣五十萬円!!!真係搵鬼賣囉!!!