註冊結婚

今日約咗網友姐君食晏.傾開喺香港註冊結婚同日本註冊結婚o既問題時,姐君話喺日本註冊結婚啲手續煩到爆~當初因為唔知會咁麻煩,仲諗住喺日本註冊結婚好簡單,交張紙仔就得喇.點知原來日本人同外國人喺日本註冊係要提交好多證明文件.除咗手續煩之外,用邊本護照都係一個大問題.好多香港人都有兩本護照,兩個國籍.香港人o既身份真係有啲複雜,好多時就會因為咁而要做多幾樣嘢行多幾轉.關於註冊結婚o既詳情,傻魚今次就唔講住喇.星期一見完其他網友,再集齊大家o既難忘經歷,再詳細寫下.

想喺日本註冊結婚o既朋友,記住留意喇~傻魚遲啲會出一編關於喺日本註冊結婚o既手續,所需文件同會遇到o既難題.傻魚知道有幾位網友正準備嫁o黎日本,希望可以幫到佢哋喇.