補鑊?

對上嗰次傻馬俾面色傻魚睇完之後就送咗得意熊仔俾傻魚...前日俾說話傻魚聽完之後,每次傻魚見到某啲嘢一行埋去睇,傻馬就會話:「鍾意就買喇!」但係每次傻魚都會話貴唔買.諗住呢幾日傻馬可能又會失驚無神送嘢俾傻魚,點知傻馬由尋日開始就叫傻魚唔使煮出街食...咁就當係補咗鑊?!!不過算喇!傻魚都冇嬲...係傻馬自己驚激親傻魚,傻魚七月返咗香港之後十一月唔返東京...哈~由傻馬驚下都好!!!

今日傻馬o既午餐...今日傻馬去咗個客度,所以早收工.返到屋企六點二咋...擺低啲嘢換件衫就同傻魚驅車出街食飯...例牌出到去又唔知食乜好,喺條街度游蕩...

經過呢間專門食雞o既居酒屋,覺得幾得意就入咗去食嘢.

一般去到居酒屋啲待應都會問飲啲乜...傻馬去慣啲集團式居酒屋,餐牌會有圖.但係呢間就冇,搞到傻馬唔知點算好.傻魚懶理傻馬,自己叫咗先...要人等咁耐,傻馬覺得唔好意思,所以就求其叫咗杯嘢飲...

見到有沖繩料理食,叫咗其中一樣試下.味道同角煮好似,但係呢個係用沖繩酒泡盛煮o既...

仲諗住係雞脾啲軟骨,點知係雞腦嗰舊軟骨...傻魚都係鍾意雞脾軟骨多啲...

唔記得呢味叫乜,凈係記得啲紅洋蔥好辣...

呢個幾好味~

之後貪得意叫咗呢碟...細細塊但係就要五百七十円...傻馬話普通雞脾肉一塊...反而係側邊嗰堆綠色醬就好好味...

食完返到屋企喺雪櫃拎返之前喺中野買o既蛋糕仔做飯後甜品...幸せ～

尋晚冇報導晚餐食乜,依家補返囉...終於都食晒啲沙律菜喇...好不幸尋晚發現早幾日買o既南瓜發霉,益鬼咗個垃圾桶添...もったいな～い...