食餐勁~

今日驅車去物業仲介公司傾完之後,原本諗住去池袋.點知行行下,傻馬發現好似行錯路.咁傻魚就話不如將錯就錯,去中野算喇.去到中野,個感覺好似從來都未離開過咁.傻馬好熟路咁話要去地下食品嗰層食軟雪糕.行咗一陣經過一間買海產o既店,見到啲海鮮刺身好平,傻馬就話買.買下買下咁又買咗一堆平海鮮喇.見傻馬呢兩日咁唔開心,今晚就整餐勁o既俾傻馬食.

見平,買咗兩款唔同味o既帶子.一盒三百九十八円咋.

返到屋企打開個袋一睇,呢盒香蔥鹽燒帶子啲汁流到成袋都係.結果就整鬼咗佢o黎食.

今日買o既刺身.鰹魚超平,二百八十円,食咗一半.吞拿魚腹身四百八十円,食咗一半.魷魚三百三十円,都係食咗一半.水菜,十五円.成碟總共五百六十円,低!!!傻馬話喺街食起碼二千幾円...

之前包雲吞凈返好多肉碎.靈機一觸...爙入啲豆腐卜度札起...加埋蘿蔔,蒟蒻,炸豆腐等等...

整咗個おでん!傻馬話好好味.但係因為今餐太多餸,結果おでん食凈一半留返聽晚.傻馬一路食一路話好低.咁大鍋おでん都只係四百五十円.仲可以分兩餐食,真係低到爆!!!聽晚仲有一半刺身...又食返同一樣o既嘢?!!要諗諗點搞...