蕃茄餐

尋日"又"約網友主婦同另一位老師主婦食晏..."又"o黎一個墟,笑咗四個幾鍾...真係笑到嘴都歪!哈哈~傾到不知時日,都冇留意時間...因為某啲原因,大家即刻散會.之後傻魚就同網友主婦一齊去買餸.見到有種瓜幾平,網友主婦話幾好味,咁傻魚又買兩條試下.講開要買魚俾傻馬食,等啲傷口好快啲,網友主婦就教傻魚煲蕃茄魚頭湯.即刻買埋魚頭同蕃茄,跟住上車前打咗個電話俾傻馬.傻馬話就o黎返到屋企,咁傻魚就叫傻馬煲定飯先.

聽網友主婦教路,落埋紅蘿蔔去煲蕃茄魚頭湯,好好味呀!個唔知乜瓜就用蒜片,肉碎同粉絲炒.傻馬話好味...都唔知係唔係o架...

今日好懶,仲有啲攰,所以冇出去買餸.一時唔記尋晚個蕃茄魚頭湯仲未飲晒...

結果今晚好似全茄餐咁...尋日又買咗傻馬至愛o既鰹魚刺身.冇計喇...依家鰹魚當造,平喇嘛...聽日又出街仔幫傻馬姨買嘢喇~仲要買餸同米添...好重呀...