痛與甜

尋晚成晚傻馬都冇乜點訓...平時話訓唔覺,轉頭唔夠五分鍾就會扯晒鼻軒o既傻馬,訓咗落床兩個鍾都仲未訓到,肯定有啲嘢...問咗好多次傻馬都唔肯講,終於傻魚忍唔住起身開燈問傻馬係唔係好痛.傻馬話有少少痛,咁傻魚就搵咗兩粒止痛藥俾傻馬食.食完冇咁痛傻馬都訓到一陣,但係好早又醒咗...原本話要去築地,但係成朝都落雨...幫傻馬清理完傷口之後見仲落緊雨,傻魚就乘機話落雨不如唔好去囉...結果傻馬就留咗喺屋企訓咗兩次,跟住同傻魚去附近藥房買藥水膠布同紗布.

今日同傻馬好乖.平時冇事嗰陣叫極都唔做o既家務,今日竟然自動波.低鍚?其實講穿咗又係陰謀o黎...

傻馬: 「傻魚訂咗返o黎東京o既機票未呀?」

傻魚: 「訂咗喇...十一月十號喇嘛...」

儍馬: 「咁遲呀?!!早啲返得唔得呀?」

傻魚: 「但係傻魚十月頭至返完傻家...搞埋香港啲嘢差唔多喇...做乜呀?」

儍馬: 「唔...一個人搞唔掂呀!仲要四個月咁耐喎...」

傻魚: 「咁傻馬聽日返公司睇下有冇機會返香港出差喇...」

傻馬: 「係喇...問下先...」

傻魚: 「順便問下有冇翻譯o既工俾傻魚做下...」

傻馬: 「翻譯呀...應該有o既...傻魚做嘢呀?留喺屋企煮飯,得閒出下街喇...」

傻魚: 「搵啲錢使下...返香港要使錢嘛...」

傻馬: 「傻馬俾錢傻魚使喇...」

嘩~呢句嘢出自金錢教教主把口喎...冧爆呀!!!即刻決定早兩個星期返東京...嘻~

傻魚: 「咁日日喺屋企都好悶o架...」

傻馬: 「去下書店買下漫畫,得閒去下新丸,表參道山行呀囉...」

傻魚: 「但係傻魚都係想做下翻譯...又唔係日日都有得做...」

傻馬: 「好喇...問下囉...」

傻魚: 「咁傻馬生日返唔返香港呀?」

傻馬: 「都好o既...不過到時睇下點先喇...」

傻魚: 「咁傻魚幫你訂定機票先,到時唔返再改期...費時冇機位呀...」

傻馬: 「好呀!」

就係咁,傻魚今日又「驚」又喜呀!!!不過見到傻馬拆紗布嗰個痛樣,傻魚都覺得好痛呀!!!不過,大家見唔見到傻馬個陰謀呀?!!